上回說到點解加勒比海不合香港人去, 原因佢天氣同香港差不多, 我當年四月去以好熱有成三十度以上, 我估七八月會更加熱, 所以加勒比海吸引嘅人多數係住在加拿大, 美國, 同歐洲, 佢地因為天氣比較寒泠而選擇渡假嘅地方, 多數會去一些比較熱嘅地方, 例如泰國, 馬爾代夫, 貪佢地有陽光與海灘, 我地香港人一見太陽就要避番入去最好有冷氣地方.
加勒比海遊係包括好大嘅範圍, 因此不可能一次去晒, 我估一兩月都唔夠, 郵船所到有分東和西加勒比海, 其中只去一些比較大嘅島, 例如:- Puerto Rico(波多黎各), St. Thomas, St. John, Guadeoupe, St. Kitts, St. Maarten, British Virgin Islands, Antigua, St. Croix, Bahamas Islands等等數之不盡.
加勒比海係比啲八國聯軍分別霸佔, 美, 英, 荷, 法, 等等, 基本上這些島嶼用海路去係唔需要過海關, 因此亦唔需要簽證(以前揸BNO去歐洲要簽證, 依家至唔使) 但是你地都知道美國佬嘅霸氣, 因為好似去美屬嘅St. Thomas, , 美國移民局會上船檢查你有冇有效簽證, 因此最好預備美國簽證, 不過如果冇簽證佢地都會批個臨時簽證准你上島去, 而冇去美國本土咁嚴格, 當然如果你係去美國佛羅里達州, 邁阿密上船, 你一定要有美國簽證, 否則你根本上唔到船. 但如果你係去多明尼加上船, 佢地只同台灣有邦交而同中國冇邦交就要留意, 所以最好揸BNO, 唔好用特區護照. 否則唔比你入境唔出奇.
下回再續
